as novas de Teo é un portal dixital informativo adicado completamente ao Concello de Teo.

 

A través destas liñas que está a ler, queremos darlle a benvida a un novo medio xornalístico, no que cremos nun periodismo cercano, que se centre nos asuntos “da nosa casa”. 

 

Nesta casa que hoxe comezamos a construir, queremos que a rigurosidade e a independencia sexan dous dos nosos piares básicos, sobre os cales queremos erguer todo un medio veraz e sensato, no que lle contaremos todo o que ocorra e teña lugar no noso pobo sen filtros nin cadeas, xa que só así entendemos que se pode contar a “verdade”.

 

Queremos, polo tanto, contarlle as cousas tal e como son, sen imporlle ao lector ningún tipo de vista nin ideoloxía, de modo que prime o seu espírito crítico e a súa capacidade de reflexión, pois entendemos que a información é libre de dar e  entender.

 

Outro dos piares sobre o que queremos construir a nosa vida, será a proximidade con vostede, ou contigo, xa que non só informaremos, senon que lle poñeremos voz a todo aquel que queira expresarse nas nosas páxinas.

 

E o noso deber, é facelo dun xeito gratuito e de calidade. Malia que a nosa financiación está, deste xeito, supeditada aos anunciantes, isto non minguará o noso rigor e independencia.

 

Cremos na seriedade e profesionalidade do noso cometido, cremos nunha sociedade libre de estar informada dun xeito veraz e sen manipulación de ningún tipo; e é por todo isto polo que quemos ser o medio de información referente en Teo.

 

Dámoslle pois a benvida a esta aventura.