ARCOSTilos celebra as Aventuras de San Martiño

A xornada do 11 de Novembro, festivo local no concello de Teo, a Asociación Recreativa e Cultural Os Tilos, abreu as súas portas en horario continuado de 7:30 a 20:30 horas, realizando diversas actividades vencelladas á celebración e ao outono nunha nova xornada de Conciliación.

A celebración enmarcada na actividade «Aventuras de San Martiño» contou con preto de sesenta rapaces e rapazas, con idades comprendidas entre os tres e os doce anos que disfrutaron dun día con múltiples actividades.

Os máis cativos e cativas realizaron un «pista e rastrexo» cunha gran variedade de probas relacionadas co outono para finalmente conseguir atopar a «Castañeira», quen os agasallou con castañas.

Dende ARCOSTilos salientan ademais que para o grupo de rapaces e rapazas máis maiores se realizou unha saída ao parque na que disfrutaron do outono e de diferentes xogos.

Os cativos e cativas do obradoiro da tarde, pola súa parte, elaboraron e degustaron galletas con forma de castaña, feitas por eles mesmos.

#cultura #arcostilos