O Mago Romarís chega esta fin de semana a Teo coa exposición “O incrible mundo das ilusións ópticas”

/as novas de Teo/ Concello de Teo

A exposición terá lugar na Casa Común de Oza, en horarios de mañá e tarde.

A programación de Nadal do Concello recolle para esta fin de semana a exposición “O incrible mundo das ilusións ópticas” do Mago Romarís.

Recomendada para un público familiar, a mostra recolle unha selección de máis de 50 ilusións ópticas. Dende as máis clásicas ás máis modernas, con elas búscase ademáis a interacción do visitante.

A exposición estará aberta durante toda a fin de semana na Casa Común de Oza, en horario de 12:00 a 14:00 horas e de 17:00 a 21:00 o sábado 20, e de 12:00 a 14:00 horas e de 17:00 a 20:00 horas o domingo 21.

A entrada é de balde, aínda que o Concello de Teo convida aos asistentes a colaborar cunha aportación ao Banco Veciñal de Alimentos, preferentemente de leite e conservas.

#mago #romarís #cultura #nadal #exposición #ilusións #ópticas #oza #casa #concello #teo #banco #alimentos