Axenda cultural (20-21 de decembro)

/as novas de Teo

Mañá sábado, celebrarase unha nova edición da Festa de Inverno do Mercado de Alimento Labrego. Será na praza do mercado dos Tilos, onde a partir das 11:00 horas da mañá, todos os asistentes poderán visitar os postos de artesanía e mercar produtos labregos do noso municipio.

Ademais, ese mesmo día e o domingo 21, os máis cativos e as súas familias poderán asistir á exposición "As ilusións Ópticas do Mago Romarís", na casa común de Oza.

O sábado 20, o horario da mostra será de 12:00 a 14:00 horas, e de 17:00 a 21:00 horas.

En canto ao domingo 21, o horario será de 12:00 a 14:00 horas, e de 17:00 a 20:00 horas.

O domingo, tamén terá lugar o derradeiro Cantateo deste Nadal 2014, no que actuarán a Coral da A. C. Cruceiro do Monte e o Coro da Igrexa Evanxélica da Ramallosa, o Coro Parroquial de San Francisco de Asís dos Tilos.

O concerto será no auditorio da Ramallosa, a partir das 17:00 horas.

E ás 18:00 horas do domingo, os que queiran desfrutar dunha tarde de comedia, poderán facelo no Local Social de Bamonde, onde actuará a actriz Paula Carballeira co monólogo "Os contos que non me contaron".

A entrada a todos os eventos é gratuíta.

#cultura #cantateo #exposición #mercado #labrego #paula #carballeira