A poboación de Teo aumenta en 312 persoas, segundo o último informe do INE

/as novas de Teo/ INE/ Agrupación Socialista de Teo

A poboación do Concello de Teo aumentou nun 1,74%, segundo os datos ofrecidos polo Instituto Nacional de Estadística

Este crecemento supón un aumento de 312 persoas respecto aos datos do ano 2013, onde aparecían empadroadas 17.942 persoas. Teo é o segundo Concello onde máis medrou a súa población, cun total de 18.254 habitantes, segundo os últimos datos do INE sobre xaneiro de 2014.

A pesar destes datos, a concelleira socialista, Uxía Lemus, argumenta que a subida non foi de 312, senon de 207 persoas, xa que cos datos dispares entre o Concello e o INE as cifras son diferentes. Por iso, a voceira do PSOE insta ao grupo de goberno a elaborar un informe que testemuñe as causas deste aumento.

Ademais, asegura que dende o PSOE de Teo se fará unha análise do “vaivén de poboación” producido no Concello nestes últimos anos.

O grupo socialista critica tamén o dato negativo do crecemento vexetativo en Teo, que podería provocar "a longo prazo o despoboamento dun concello que un día pretendeu superar a barreira dos 20.000 habitantes, o que desde a desastrosa reforma local do Partido Popular é unha necesidade fundamental para manter servizos de calidade no noso concello".

#ine #ige #poboación #teo #informe #socialista #psoe #psdeg #uxíalemus #voceira #concello #persoas