O Concello abre a convocatoria da concesión de doce hortas urbanas

/as novas de Teo/ Concello de Teo

Tres das doce parcelas serán para persoas en situación de emerxencia social

Dende mañá, sábado 27 de decembro, até o 15 de xaneiro de 2015, o Concello abre a convocatoria para a concesión de doce hortas ubicadas nunha finca municipal en Tras do eixo, na parroquia de Cacheiras.

Das 12 parcelas, tres delas estarán destinadas a persoas en situación de emerxencia social. Outras tres serán para persoas maiores de 65 anos e as outras seis aduxicaranse entre o resto das solicitudes. As nove hortas restantes adxudicaranse mediante sorteo público. A cesión será dun ano de duración, prorrogable por outro ano.

Entre algúns dos requisitos, están os de ser un veciño empadroado en Teo e estar ao corrente coas obrigas tributarias co Concello de Teo.

Na web do Concello, pódense atopar os formularios de solicitude e as bases completas da adxudicación.

#concello #teo #fincas #hortas #urbanas #concesión #concurso #parcela #bases