O CEIP da Ramallosa doa 1.000 euros ao Banco Veciñal de Alimentos
- as novas de Teo
- 3 ene 2015
- 1 Min. de lectura
/as novas de Teo/ Concello de Teo
A entrega dos 1.000 euros foi posible grazas ás vendas dun calendario solidario
Por segundo ano consecutivo, o CEIP A Ramallosa fixo un calendario solidario, cuxos beneficios foron destinados ao Banco Veciñal de Alimentos. Editáronse 370 calendarios que recollen unha memoria fotográfica das actividades realizadas no colexio, nas que os propios nenos nenos e seus pais son protagonistas. Xuntos ás fotos poden encontrarse en cada mes refráns galegos populares.
Desde o centro aseguran que a idea xurdiu “para aliviar as necesidades das familias máis desfavorecidas da nosa contorna e ao mesmo tempo promover actitudes solidarias na nosa comunidade educativa”.
O director do centro, Xosé Manuel Ferreirós, e a Coordinadora do Equipo de Dinamización da Lingua Galega, Nora Pousa, entregaron, de forma simbólica, os 1.000 euros recadados ao Concelleiro de Benestar, Ignacio Igleisas, e á Concelleira de Educación, María Álvarez.
Comments