O Clube Ciclista Os do Monte Bravo celebrará a súa III Ruta BTT
- as novas de Teo
- 4 ene 2015
- 1 Min. de lectura
/as novas de Teo
O roteiro desta III ruta BTT, que se celebrará o 25 de xaneiro, comezará e rematará no pavillón polideportivo de Calo
O Clube Ciclista Os do Monte Bravo organiza de novo á súa ruta ciclista. Como novidade, este ano o percorrido conta cun novo circuíto no que a natureza e a paisaxe cobran un grande protagonismo.
En total serán 42 quilómetros de roteiro, onde os participantes transitarán por sendeiros fechados, camiños intransitábeis e gozarán de importantes ascensións, cunha dificultade técnica-física media.
A hora de recollida de dorsais está prevista para as 8:00 horas da mañá no Pavillón Polideportivo de Calo, onde se iniciará a ruta ás 9:00 horas.
Hai un máximo de 350 prazas e as inscripcións poderán facerse até o mércores 21 de xaneiro na páxina web do Clube Os de Monte Bravo. O custo é de 10 euros, nos que se inclúen os avituallamentos, o seguro de responsabilidade civil e accidentes, e a comida de confraternización entre outros.
Commentaires