O PP de Teo inicia a IV edición do ciclo "Escoita activa"

/as novas de Teo/ PP de Teo

A primeira escoita terá lugar este xoves 15 ás 20:30 horas no baixo do palco de Vilariño, e a segunda, o venres 16 en Bamonde á mesma hora

O voceiro do Partido Popular de Teo, José Manuel Guerra, inicia unha nova edición do programa Escoita Activa. Trátase dunhas xuntanzas veciñais onde o candidato á alcaldía recollerá as inquedanzas e demandas dos cidadáns de cada aldea.

Esta nova edición comezará o xoves 15 de xaneiro e as reunións celebraranse cada xoves e venres até finais de febreiro, nas que Guerra visitará cada unha das trece parroquias teenses.

Dende o PP de Teo aseguran que esta iniciativa propicia bos resultados para a veciñanza. Segundo o portavoz da formación popular, José Manuel Guerra, “esa cercanía coas persoas residentes en cada lugar do municipio é imprescindible para conseguir unha xestión municipal eficaz e ao servizo da veciñanza”.

O PP de Teo convoca estas xuntanzas dende o ano 2011 e aseguran son máis de 120 propostas veciñais as que levaron ao Concello nestes catro anos de lexislatura.

#ppdeteo #edición #escoita #activa #teo #veciños #josémanuelguerra #parroquia