Remata o acondicionamento dunha aula do pavillón de Calo para a práctica do Taekwondo

/as novas de Teo/ Concello de Teo

O acondicionamento desta aula completa os arranxos que se levaron a cabo no pavillón, xunto co pintado da pista e a mellora dos vestiarios

A obra, que se levou a cabo nunha sala da planta baixa do polideportivo, consistiu no illamento das paredes, xa que tiñan problemas de humidade, e complementouse coa instalación dun tatami, barras e espellos que, según o Concelleiro de Deportes, Anxo Rey, "permitirán a práctica de diferentes disciplinas deportivas no polideportivo", como o taekondo ou a danza.

O concelleiro destacou a importancia destas "obras de mellora necesarias para contar con infraestructuras deportivas municipais que respondan á alta ocupación que teñen".

#acondicionamento #calo #pavillón #tatami #mellora #arranxo #humidade #vestiario #taekwondo #concello