Increméntanse os controis policiais polo aumento de roubos nos últimos días

/as novas de Teo /Concello de Teo

Os roubos producidos nos últimos días en vivendas de Teo provocaron un incremento dos controis policiais

O goberno local pide que se manteña a calma, e destaca os incrementos da seguridade nas zonas de Calo e Cacheiras, onde onte un operativo formado por membros da Policía Local e a Garda Civil realizaron controis coa fin de aumentar a seguridade cidadá.

A responsable da Policía teense pide "que se extremen as precaucións de seguridade" e insta aos veciños a que, se ven algo sospeitoso, alerten á Policía Local (606 984 838) ou á Garda Civil (062), xa que segundo as forzas da orde "dar conta de aspectos que se saian do habitual pode axudar na investigación destes incidentes".

Segundo o Concello, o alcalde Martiño Noriega, reuniuse onte cos responsábeis da Policía local e da Garda Civil do Milladoiro de cara a recabar datos desta situación.

#roubos #actualidade #teo #calma #goberno #martiño #noriega #policía #local #garda #civil #control #policial