AXENDA CULTURAL | Fin de semana musical e de aventura en Teo (25 xaneiro)

Este domingo, día 25, podes gozar en Teo de dous eventos diferentes.

Por un lado, ás 9:00 horas da mañá terá lugar a saída da III Ruta BTT Os do monte bravo, que dará comezo no pavillón de Calo. Este ano superouse a previsión de inscricións e serán máis de 300 participantes os que comecen a ruta. O trazado do roteiro consta de 42 quilómetros que farán as delicias dos amantes da natureza e o ciclismo. Sendeiros pechados, camiños que se atopaban intransitábeis e dúas importantes ascensións conforman unha proba que un ano mais destacará pola súa beleza paisaxística.

E máis tarde, ás 20:00 horas do serán, dará comezo o concerto de presentación do disco "Aínda", da gañadora do I Certame de Canción de Autor en Galego, Alba María. Acompañada de Felipe Vilar (guitarra), José Manuel Díaz (contrabaixo) e Carlos Freire (percusión), a cantautora fará un percorrido polas melodías que se poden atopar no disco que ven de saír á luz.

#cultura #albamaría #BTT #montebravo #concerto #carreira #ruta #roteiro #axendacultural #música