"Persoas" opta a ser finalista para o Mestre Mateo á mellor curtametraxe
- CULTURA | asnovasdeteo.com
- 27 ene 2015
- 1 Min. de lectura
A curtametraxe dos alumnos do IES de Cacheiras é candidata ao premio á mellor curtametraxe na XIII edición dos premios Mestre Mateo. Aínda non é oficial a curta gañadora do premio do público do certame No Te Cortes, no que participou "Persoas"
A Academia Galega do Audiovisual publicou o pasado día 20 a listaxe definitiva de candidatos que optarán a ser algún dos gañadores da XIII edición dos premios Mestre Mateo, entre os que se sitúa "Persoas", a curtametraxe que naceu no IES de Cacheiras da man de varios alumnos e a compañía de teatro Chévere.
Serán os académicos e académicas quen decidan nas vindeiras semanas se a obra de Aturuxo Films é unha das catro finalistas ao premio, anuncio que a Academia fará en marzo.
A curta dos alumnos do IES Cacheiras foi finalista no Festival Plural + de New York e gañou o primeiro premio en OUFF Escola.
Comments