A familia de Modesto Paz Camps doa dúas obras do pintor ao Concello de Teo

As dúas obras formarán parte da exposición permanente no Salón de Plenos do Concello

Esta mañá, os irmáns de Modesto Paz Camps fixeron a entrega de dous cadros do pintor ao alcalde, Martiño Noriega, e á Concelleira de Cultura, Carmen Hermida. Con esta doazón mostran a forte vinculación da familia co municipio teense, onde os pais do artista foron mestres durante a súa xuventude.

Esta unión con Teo vese reflexada na obra de Paz Camps, que está bañada de referencias a toda a zona do Val de Ulla e, sobre todo, pola representación de elementos de Teo, como a ponte de Pontevea, que é protagonista dun dos cadros doados ao Concello.

#concello #teo #pintor #cadros #modestopazcamps #familia #arte #cultura #pontevea #ulla