Tanques, exipcios e tropas afrancesadas tomaron Reis no seu Entroido

A parroquia de Reis foi testemuña da segunda cita do Entroido dos Xenerais da Ulla en Teo, onde dezaséis cabalos percorreron as súas aldeas

Reis celebrou o seu Entroido na fin de semana do 7 e 8 de febreiro, no que se puido ver aos iconos do WhatsApp, a un grupo de exipcios e mesmo a outro de hippies pasear polos recunchos da parroquia acompañados polo seu famoso demo. Xuntos ían cantando polos recunchos do pobo diferentes cancións, nas que aproveitaron para criticar a corrupción, os paraísos fiscales ou o desemprego.

Durante o sábado 7 o Entroido paseou por Coira, Freixeiro, Valiñas, Samar, Pazos, Montecelo, Piñeiro, A Frieiría e a Ribeira, mentres que o domingo 8 pasaron polas aldeas do Ferreiriño, Chao do Río, O Outeiro, O Calvario, Olveira, Xermeade e Pontevea, para acabar no campo da festa cos atranques.

Máis Entroido en Teo

Esta fin de semana será a quenda das parroquias de Teo e Cacheiras, que celebrarán os seus Entroidos durante o sábado 14. En Cacheiras o Entroido volverá a saír á rúa o domingo 15.

Galería de imaxes do Entroido de Reis

#entroido #reis #xeneraisdaulla #tanque #hippy #cabalo #atranques #cultura