O equipo infantil do Club Os Tilos de sófbol gaña os primeiros partidos da Liga Xogade
- DEPORTES | Sófbol | asnovasdeteo.com
- 12 feb 2015
- 1 Min. de lectura
A categoría infantil de Sófbol do Club Os Tilos xogou contra o Cambre os primeiros dous partidos da Liga
O pasado domingo 8 tiveron lugar no polideportivo dos Tilos os primeiros encontros da Liga Xogade. Os equipos infantís dos Tilos e o Cambre desputaron o mesmo día a "ida" e a "volta" dos seus respectivos encontros, segundo o presidente do Club, Jorge Carballido, "para aforrar custes".
Os cativos do equipo dos Tilos resultaron vencedores de ambos partidos. No primeiro deles, que foi ás 15:00 horas da tarde, gañaron por 15 carreiras fronte ás 14 do Cambre. No segundo partido, que tivo lugar ás 16:30 horas da tarde, volveron a resultar gañadores con 16 carreiras fronte ás 7 que conseguiu o equipo visitante.
Próximos encontros
O domingo 22 de febreiro hai outra cita co sófbol nos Tilos. Dende as 10:00 horas da mañá até as 18:00 horas da tarde o pavillón dos Tilos volverá a acoller outra xornada deste deporte, na que os protagonistas serán os xogadores das categorías de cadetes e alevíns da Liga Provincial Xogade de Sófbol Indoor. Os locais competirán de novo contra o Cambre, e a "festa" estará amenizada cunha degustación de doces do Entroido e onde o público irá disfrazado.
Comments