Os alumnos e as alumnas do CEIP A Ramallosa fan unha viaxe pola historia no seu Entroido

Dende a prehistoria até o futuro máis recóndito, os alumnos e profesores da Ramallosa pasearon polas etapas máis significativas da vida do ser humano

A xornada lectiva dos alumnos dos centros educativos teenses inundouse de Entroido o pasado venres. Dende o CRA de Teo, pasando polos CEIP dos Tilos, Calo e a Ramallosa, até o IES de Cacheiras.

En concreto, no CEIP A Ramallosa, os alumnos e profesores fixeron un percorrido pola Historia. Ao longo da mañá, os asistentes ao Entroido, poideron coñecer de primeira man aos trogloditas da Prehistoria cos alumnos máis pequenos do centro. A viaxe dos cativos pasaría despois pola vida dos exipcios, a dos romanos, a de antigos personaxes da Idade Media, a dos vikingos, a dos aristócratas da Revolución Francesa... até chegar a facer unha viaxe ao futuro para coñecer a algúns dos personaxes da Guerra das Galaxias, representados polos alumnos de sexto de primaria.

Para rematar a festa, había situados no pavillón varios merendeiros con produtos típicos do Entroido, que dende logo foron a delicia dos rapaces e das rapazas despois desta viaxe no tempo, que foi, canto menos, divertida.

Preme nesta imaxe para ver a Galería do Entroido da Ramallosa:

#entroido #ceiparamallosa #educación #alumnos #escola #cultura #disfraz