O Concello acondiciona un aparcamento no exterior da escola infantil de Calo

Os traballos de acondicionamento responden ás demandas reiteradas dos usuarios da escola

A escola infantil de Calo xa dispón dunha zona de aparcamento. O centro, que está situado nunha finca municipal, contará con máis de 20 prazas de aparcamento, unha vez que rematen os labores de acondicionamento co pintado das prazas. Con estes traballos, o Concello responde a unha “demanda reiterada” dos pais e nais que levan aos seus fillos á escola.

O aparcamento está situado no lateral da escola e está asfaltado con aglomerado en quente. Dende o Concello aseguran que “vai dar un servizo importante a máis persoas que aos usuarios da escola infantil” xa que se atopa preto do pavillón municipal, do cemiterio e do CEIP da Igrexa – Calo.

En total, o acondicionamento deste aparcamento supuxo un investimento económico de preto de 7.000 euros, segundo fontes do Concello de Teo.

#concello #política #aparcamento #calo #demanda #centro #escolainfantil #investimento #teo #obras