O Concello celebrará o día de Rosalía de Castro difundindo a súa obra nos Colexios e nas redes socia

Esta iniciativa aprobouse no pleno de xaneiro por medio dunha moción do BNG que foi apoiada por tódalas formacións políticas

Como ven sendo tradición en anos anteriores, o martes 24 de febreiro estará dedicado á figura de Rosalía de Castro. Durante todo o día lembrarase á escritora coa difusión dos seus poemas nas redes sociais e nos colexios teenses.

Nos perfís de Facebook e de Twitter do Concello penduraranse poemas acompañados de ilustracións de Ana Costas, ademais de vídeos con lecturas da obra de Rosalía de Castro, sempre baixo a etiqueta #DíadeRosalía.

Por outro lado, dende a Concellaría de Cultura convidouse aos centros escolares a traballar sobre a obra da escritora e facer algunha lectura da mesma e, dende o Concello, enviouselles unha lámina cunha imaxen de Rosalía, obra da artista plástica Ana Costas.

Ademais, tamen versarán sobre a obra da escritora galega outros colectivos, como as escolas infantís do C.R.A de Teo e os grupos de memoria no que participan persoas maiores.

#rosalíadecastro #concellodeteo #bng #escola #maiores #cultura #lembrar #anacostas