A Charanga TNT celebra o seu Entroido Solidario

A charanga teense realizará este sábado 28 de febreiro un Entroido solidario en beneficio do Banco de Alimentos

Mediante a difusión deste evento nas redes sociais e o "boca a boca", a charanga está a promocionar este Entroido Solidario que de seguro atraerá unha grande parte da mocidade teense e da comarca até a casa común de Rivas, en Oza, onde o grupo musical organiza este sábado unha festa benéfica cuxos beneficios irán destinados ao Banco de Alimentos local.

A entrada a este Entroido poderá ser de dous xeitos, ben deixando unha doazón de 1 euro ou ben un quilogramo de alimentos non perecedoiros, que serán entregados na súa totalidade ao Banco de Alimentos do Concello.

Outro dos reclamos para que a xuventude participe nesta celebración será o concurso que premiará os mellores disfraces nas categorías de grupo, parella e indiviual.

Está previsto que a feste comece ás 23:00 horas e estará amenizada polas actuacións da Charanga TNT e os DJ de Discomofly.

A motivación de organizar un evento solidario

Dende a formación musical salientan que, aínda que entre algúns dos seus obxetivos como banda sempre estivo o de "crecer en calidade e prestixio", non foi até este momento no que xurdiu unha idea coma esta, na que "a finalidade común dos asistentes e dos colaboradores sexa axudar ás familias do noso concello coa aportaciòn de alimentos ao Banco de Alimentos de Teo". Ademais, dende a Charanga TNT están seguros de que este evento terá "unha gran aceptación por parte de todo o mundo en xeral", polo feito de que os factores de unión entre a festa e a axuda á sociedade "serán moi ben acollidos por mozos e non tan mozos".

#charangatnt #bancodealimentos #casacomúnderivas #oza #festa #discomofly #solidario #disfrace