Máis diversión noutra xornada de Sófbol Indoor nos Tilos

As categorías alevín e cadete do Club de Sófbol e Béisbol Os Tilos desputaron ao longo do domingo 22 varios partidos contra o Cambre

Durante a xornada do pasado domingo 22, o pavillón municipal dos Tilos acolleu dende as dez horas da mañán os partidos de sófbol pertencentes á Liga de Sófbol Indoor Xogade provincia de A Coruña, que enfrontaron aos xogadores alevíns e cadetes do Club Os Tilos e o Cambre.

Categoría Alevín:

Os Tilos 12 - 14 Cambre

Cambre 21 - 13 Os Tilos

Categoría Cadete:

Os Tilos 1 - 14 Cambre

Cambre 9 - 10 Os Tilos

Dende o Club Os Tilos salientaron a "solidez mostrada polos equipos de Cambre" debido á súa ampla traxectoria nesta modalidade deportiva, "o que lles leva a alcanzar moi bos resultados". Aínda así, Jorge Carballido, presidente do Club Os Tilos, quixo recalcar a emoción que se viviu no segundo encontro da categoría cadete, na que o equipo anfitrión conseguiu remontar malia ir perdendo cun 9 - 3 no marcador. O ánimo do público e dos rapaces, fixeron que os cadetes do Club Os Tilos conseguisen remontar até convertir o marcador nun 9 - 10 ao seu favor, instante que, segundo Carballido, "se transformou nun momento de alegría colectiva".

Ademais, o Club teense mostrouse satisfeito da "cantidade considerable de persoas que poideron disfrutar do partido e da cantidade de doces de Entroido, feitos polas nais e os pais dos xogadores dos Tilos, cos que agasallaron a todos os xogadores e o público".

#sófbol #deportes #cambre #ostilos #diversión