O BNG de Teo e da Estrada presentan unha moción para declarar Ben de Interese Cultural a ponte de Po

Manuel Anxo Fernández Baz e Carmen Diéguez González, concelleiros do Bloque no Concello, presentarán esta proposta no próximo Pleno

Dende o grupo municipal do Bloque Nacionalista Galego, levarán ao próximo pleno unha moción e proposición non de lei coa que debatirán co resto de corporacións a declaración da ponte de Pontevea como Ben de Interese Cultural (BIC), debido á importancia que ten esta ponte no Concello.

Elemento de paso entre as provincias de A Coruña e Pontevedra, a ponte situada na parroquia de Reis divide tamén os Concellos de Teo e A Estrada, nos que existe, segundo o BNG, “unha forte identificación popular coa ponte de Pontevea” figurando incluso nos escudos de ambos Concellos.

Dende o BNG manifestan “a necesidade de protexer e conservar de xeito especial a ponte, como parte integrante do patrimonio histórico dos Concellos de Teo e da Estrada”, xa que “representa parte da nosa riqueza material e patrimonial e reforza a nosa autoestima cultural, polo que a súa protección e conservación é tarefa de todos nós”.

#bng #teo #aestrada #bic #política #ponte #pontevea #ben #interese #moción #pleno