As labregas, protagonistas do Día da Muller en Teo

Os actos terán lugar o xoves 5 de marzo no Concello

Dende a Concellaría de Igualdade, dirixida por Ignacio Iglesias, organízanse os actos do Día da Muller, que se conmemora o día 8 de marzo. Este ano farase reivindicando o traballo da muller labrega. A celebración comezará coa lectura dun manifesto institucional e seguirá cunha mesa redonda na que as mulleres que teñen no campo o seu lugar de traballo contarán os seus testemuños e vivencias persoais.

Os actos en honra desde día, adiántanse ao xoves 5 de marzo. A partires das 19:30 horas, no Concello, porase “en valor o traballo feminino, que dende sempre serviu de sustento en moitos fogares e que resulta un elemento claramente emancipador para a muller”.

Ademais, o Concello organiza tamén, con motivo do Día da Muller, unha excursión Á Ribeira Sacra e Castro Caldelas, programada para o domingo 15 de marzo e á que xa poden apuntarse as mulleres teenses llamando ao 981 809 707, número do Centro de Información á Muller (CIM).

#muller #día #homenaxe #igualdade #teo #labrega #ignacioiglesias #excursión