Apróbase o primeiro itinerario en materia de violencia de xénero

A aprobación tivo lugar na Xunta Local de Seguridade, que non se reunía dende o 2013, na que tamén se analizaron os datos sobre a seguridade ciudadá

O Concello de Teo celebrou hoxe pola mañá a Xunta Local de Seguridade, que dende o 2013 non se reunía. Na reunión, na que estiveron presentes o alcalde de Teo, Martiño Noriega, e o subdelegado do Goberno na Coruña, ademais do edil de Benestar Social, Ignacio Iglesias, aprobouse o primeiro itinerario de actuación contra a violencia de xénero, ademais de avaliar temas relacionados coa seguridade ciudadá.

Dende a subdelegación da Coruña, xunto a Garda Civil, Policía Local e persoal da Concellería de Igualdade e Benestar Municipal, traballaron nun protocolo de actuación contra a violencia de xénero. Unha guía que, segundo o edil de Benestar, Ignacio Iglesias, “trata de ser unha guía exacta para atender do mellor xeito ás víctimas de violencia de xénero así como avanzar na detección do problema”.

Este protocolo, segundo o Concello, “suporá uns beneficios para as mulleres que sofren violencia de xénero e tamén para o conxunto da cidadanía, xa que debe reforzar a percepción deste tipo de violencia como un grave problema social”.

Por outro lado, respecto a seguridade ciudadá, analizáronse datos como o número de roubos producidos no municipio nas últimas semanas, unha cifra “similar á de anos anteriores” segundo a Subdelegación do Goberno.

En último lugar, acordouse seguir mellorando o nivel de coordinación entre Polícia Local e Garda Civil, xa que segundo o alcalde, Martiño Noriega, Teo non conta co “número óptimo de axente locais”, polo que reiterou “a necesidade de reforzar os efectivos” de ambas forzas de seguridade no Concello.

#política #xunta #local #seguridade #teo #xénero #reunión #policía #civil #goberno #noriega