Arranxan varias marquesiñas con desperfectos do Concello

Está previsto que o Concello instale dous novas marquesiñas en Eo dos Menecos e en Reis

Nas últimas semanas, O Concello de Teo, por medio da Concellaría de Servizos Básicos, levou a cabo arranxos e reposición de varias marquesiñas do municipio, co fin de subsanar os desperfectos provocados por accidentes de tráfico, cristais rotos ou polo deterioro dos propios materiais cos que están feitas.

Tralos traballos de aconcionamento das marquesiñas, xa volven a estar colocadas as dos lugares de, Luou, Cesar, Augas Mansas, San Domingo, na Igrexa (Cacheiras), Vilariño e Vilar de Calo, e dende o Concello aseguran que está prevista a colocación de novas marquesiñas en Eo dos Menecos e outra xunto ao cemiterio de Reis.

Xurxo Francos, edil de Servizos Básicos, explicou ademais que “cando se reparan as marquesiñas, tamén se fai un lavado dos materiais, mais as pintadas son difíciles de eliminar”, polo que pide “que a xente sexa respectuosa co mobiliario urbano”.

#concelloteo #marquesiña #política #vilariño #arranxo #servizosbásicos #xurxofrancos