Buscar
"A NOSA RIQUEZA, A ESCOLA" Poema de Josefa Costa
- Recuncho do Lector | Josefa Costa
- 12 mar 2015
- 1 Min. de lectura
Un ensino sen pobreza,
escola...
aberta,pública e mixta
canalizando camiños.
Tenras...
cheas miradas de infancia.
Vidas,
sobre un bambán desafiando
a gravedade , sen deter o tempo.
Nenos ...
xúbilos , baixo soltos ventos,
sen rezos...
que amansen os pensamentos.
Cabezas...
lúcidas, sobre altos colos .
Ollos
que vexan o horizonte , alí,
onde a terra morre , baixo
os sonos que esperta o ceo.
Xuventude que agrande
a nosa fermosa lingua.
Que coñoza outras linguas,
outro mundo ,outros credos.
Que a diversidade prenda
xunto as nosas robustas raíces.
Galicia , aberta ...,grande,
con sólidos alicerces
camiñarás cara a diante.
Comentarios