ANOVA lanza a campaña Son de Teo e presenta os primeiros postos da lista

Repiten nos primeiros postos da listaxe o concelleiro de Urbanismo Rafael Sisto, o concelleiro de Benestar, Ignacio Iglesias, o concelleiro de Servizos Básicos, Xurxo Francos e a concelleira de educación, María Álvarez Garea

ANOVA ven de facer pública esta mañá a campaña "Son de Teo" para as vindeiras eleccións municipais de maio.

Os primeiros postos da listaxe de Son de Teo quedarían deste xeito:

1. Rafael Sisto

2. Salomé Beiroa

3. Ignacio Iglesias

4. Concha García

5. Xurxo Francos

6. Pilar Pérez Faxil

7. Jorge Carballido

8. María Álvarez Garea

9. Francisco Nanín

A formación encabezada por Rafael Sisto publica ademais na súa web un perfil de cada un dos nove primeiros intengrantes da súa listaxe.

Unha candidatura alén da militancia

O factor que marca esta listaxe é que hai varios nomes que non son militantes de ANOVA, como é o caso de Concha García, quen é voceira de TeoBus, plataforma que ten como obxectivo a consecución dun "servizo de autobús que responda ás necesidades do concello de Teo". Outro exemplo é o de Jorge Carballido, licenciado en psicoloxía e técnico da Unidade Municipal de Atención a Drogodependentes en Compostela. Ademais, Carballido é un dos directivos do Club de Sófbol e Béibol Os Tilos.

#política #anova #sondeteo #teo #sisto