Todocosmos comeza as súas actividades con charlas nos colexios teenses sobre o próximo eclipse solar
- CIENCIA | CULTURA | RSR | Concello de Teo
- 19 mar 2015
- 1 Min. de lectura
O eclipse terá lugar mañá, venres 20, sobre as 10:00 horas
Esta semana comezaron as actividades do programa de divulgación da astronomía Todocosmos, no que participa o Concello de Teo por segundo ano consecutivo, con charlas nos colexios de Calo e A Ramallosa.
O persoal do Observatorio Astronómico Ramón María Aller, explicou ao alumnado dos dous centros os distintos tipos de eclipses, así como as características e as precaucións a tomar para poder ver o que haberá mañá, como poden ser non mirar directamente ao sol ou utilizar lentes de soldadura, pero sempre manexándose “co máximo factor de protección e sen mirar de xeito continuado”.
Segundo a páxina web da Universidade de Santiago de Compostela, no día de mañá farase unha sesión pública de seguemiento de todo o fenómeno, “pouco habitual en Galicia”, entre as 9:05 e as 11:18 horas no Campus Vida de Santiago.
Dende o ano 2005 non se producía un eclipse destas características en Galicia, e é que será nesta comunidade na que a Lúa oculte máis o Sol, chegando ao seu punto máximo sobre ás 10:09 horas.
Comentarios