“A Viaxe dos Chévere” proxéctase hoxe no local da Mámoa de Luou

Ademais da proxección, algúns dos integrantes do grupo teatral realizarán un coloquio co público asistente

Esta tarde poderase desfrutar do filme “A Viaxe dos Chévere”, “un achegamento ao traballo e á vida duns cómicos trillados polo asfalto”, todo isto a través "dunha mirada moi persoal e poética” na que Alfonso Zarauza narra o desterro dunha compañía de teatro expulsada da súa cidade por un político corrupto e a súa loita de resistencia desde o territorio aínda ceibe do escenario.

Tras o visionado de este proxecto, no que segundo a propia compañía “teatro e cine van da man”, haberá un coloquio co público, no que participarán Alfonso Zarauza, director do filme, e os actores Patricia de Lorenzo e Xesús Ron. O acto comezará ás 20:00 horas no local da Mámoa (Luou) e o acceso será gratuito.

#chévere #cultura