O PSOE teense denuncia o “abandono das infraestruturas deportivas en Teo”

A campaña Teo Guasapea, á que a veciñanza pode enviar as súas queixas e suxerencias, sigue en marcha

A tenor das queixas dos veciños, a voceira do PSOE de Teo, Uxía Lemus, achegouse á pista deportiva de Recesende, onde constatou o seu “mal estado” ao estar as instalacións “cheas de ferruxe, cas porterías sen ningún tipo de seguridade, cunha case inexistente rede de tenis que está suxeita con un neumático e cun peche na porta que ao no ter enganche no chan, fai que a porta se abra co vento ”.

Lemus califica este abandono como “un exemplo do total desleixo que o goberno municipal de Martiño Noriega e Rafael Sisto amosa tanto polas infraestruturas como pola conservación do medio ambiente teense” e sinala que “o único que se conserva en bo estado de toda a pista é a placa de inauguración da mesma”.

Estes desperfectos únense, segundo a edil socialista, “á gravísima falta de limpeza de todos os pavillóns” e aos “reiterados problemas de condesación do pavillón da Ramallosa”.

#política #uxíalemus #deportes