Comeza o II Torneo Fútbol Sala Calo SR

Dende hoxe, até o vindeiro domingo, 18 clubes e 47 equipos danse cita nesta competición organizada pola Sociedade Recreativa de Calo

Nesta segunda edición do torneo, que se desputará no pavillón de Calo, participarán rapaces de cinco categorías diferentes, como Biberón, PB1, PB2, Benxamín, Alevín, Infantil e Cadetes.

Durante a xornada de hoxe, xoves 2, terán lugar os partidos correspondentes ás categorías Biberón e PB1. Mañá, venres 3, será o turno das categorías PB2 e Benxamín, mentres o sábado 4 tocaralles aos Alevíns e Infantís. A quenda dos Cadetes será o domingo 5 pola mañá.

Finalmente, as finais de cada categoría emprazaranse durante a tarde do domingo 5, a partir das 16:00 horas.

A entrega de premios contará con varios representantes políticos e deportivos, como é o caso de Anxo M. Rey Martínez (Concelleiro de Deportes do Concello de Teo), Ignacio Iglesias (Concelleiro de Servizos Sociais do Concello de Teo), Esteban Otero Calvo (Presidente da ADV de Santiago de Compostela), José Cruces Vázquez (Presidente da SR de Calo) e José Ramón Calvo Nieto (Presidente da Comisión de Deportes do Calo SR). Todos os rapaces que participan no torneo recibirán trofeos e medallas.

Premendo aquí podes consultar tamén todos os horarios dos partidos.

#deportes