Martiño Noriega delegará funcións en Rafael Sisto durante a campaña electoral

O alcalde emitiu o venres10 de abril unha resolución na que delega "a totalidade das funcións que lle corresponden á alcaldía entre os días 8 e 25 de maio"

Malia esta resolución, o alcalde de Teo poderá seguir exercendo as súas funcións dende a finalización do período electoral até a constitución das novas corporacións despois dos comicios a mediados de xuño.

Así mesmo, Noriega quixo comentar que esta resolución "poderá revocarse en calquera momento". A cesión das súas funcións está autorizada por lei nos artigos 44 e 47 do Regulamento de organización, funcionamento e réxime xurídico das entidades locais, que a miúdo se emprega en casos de enfermidade, vacacións ou viaxes.

Por outro lado e tal como se especifica no segundo punto da resolución, o salario do alcalde durante o período de delegación pasará a ser "destinado a actividades de dinamización veciñal".

#política