Extinguen un incendio nunha vivenda de Carballal

O suceso tivo lugar ás 3:00 horas da madrugada, cando un veciño de Carballal alertou aos servizos de emerxencias

Tras recibir esta chamada, o Centro de Atención de Emerxencias (CAE) 112 Galicia, enviou á zona do suceso a bombeiros de Ordes, ao GES de A Estrada e persoal do servizo de Protección Civil de Teo, quen malia non ter servizo nocturno, acudiron ao incendio "por tratarse dunha emerxencia grave".

O incendio foi extinguido sobre as 5:00 horas da madrugada, o persoal de emerxencias procedeu a refrescar e desescombrar a zona, da que só quedaron en pé as paredes, xa que se trataba dunha vivenda prefabricada. Non houbo feridos.

Á zona do suceso tamén se desprazaron membros das forzas de seguridade do Estado e da Policía Local de Teo.

Ademais, membros de Protección Civil de Teo anunciaron que volverían á zona do suceso para comprobar que todo continue en orde.

#sucesos