O Partido Popular presenta a súa candidatura este venres en Montouto

A formación encabezada por José Manuel Guerra está anunciando a presentación da súa candidatura en diversos carteis que están colocando por Teo

"Quero máis Teo" é o lema escollido polo Partido Popular de Teo para gañar as eleccións municipais do 24 de maio.

A formación de José Manuel Guerra celebrará o acto de presentación da súa candidatura este venres 24, ás 20:30 horas, no Hotel Congreso, lugar onde o PP de Teo acostuma a celebrar os seus eventos.

Ademais, no acto de presentación intervirán o líder dos populares teenses, José Manuel Guerra, e Rosa María Quintana, actual conselleira de Medio Rural e do Mar.

Durante a presentación, o Partido Popular presentará os demais compoñentes da súa listaxe para as eleccións de maio, entre os que predominarán a "renovación xeneracional e os perfiles de profesionais especializados, sobre todo no eido social", afirman os populares.