Pechan o patio de recreo do CEIP A Ramallosa

Despois de anos reclamándoo, a comunidade de nais e pais do CEIP A Ramallosa, xunto co apoio do ANPA Río Tella, conseguiron levar a cabo esta medida

Dende hai anos, a comunidade de nais e pais do CEIP A Ramallosa a través do ANPA Rio Tella, estaban a demandar o illamento da zona de recreo do CEIP da zona de aparcadoiro destinada ao persoal do Centro.

Neste curso 2014/2015, mediante aprobación no Consello Escolar, púidose proceder ao peche mediante un valo metálico e unha porta corrediza de acceso entre as dúas zonas.

A obra foi sufragada ao 50% entre o Concello de Teo e o ANPA Rio Tella. A decisión de apoiar economicamente esta obra foi secundada por maioría nunha reunión do ANPA.

Dende o ANPA Río Tella queren agradecer ao CEIP A Ramallosa e ao Concello de Teo o apoio mostrado nesta solicitude.

#educación