"Buscando a miña libertade", poema de Josefa Costa

BUSCANDO A MIÑA LIBERTADE

Voar como os paxaros

quixera sen ás.

E humíllame o vento.

Vivir baixo as augas profundas

quixera como os peixes

sen pulmóns para respirar.

E afógome no intento.

Vou buscando o horizonte.

Paso a paso que me achego

paso a paso que me afasto.

Quedo cazada nas redes do tempo.

Quero pensar

e non encontro o meu pensamento.

Só asoman enganos,

traidoras imaxes

que me alimentaron de neno.

Onde está a miña libertade,

a miña crítica o meu pensamento?

Hoxe fisgando nas miñas entrañas

non atopo a palabra que eu quero.

Josefa Costa

#recunchodolector