Alberto San Juan chega ao auditorio da Ramallosa este venres

O actor representará a obra "Autorretrato de un joven capitalista español" este venres ás 22:00 horas no auditorio da Ramallosa

O actor Alberto San Juan, membro fundador da compañía Animalario e máis coñecido pola súa participación en filmes como "Airbag", "El otro lado de la cama" e "Bajo las estrellas", estará este venres 8 de maio ás 22:00 horas no Auditorio da Ramallosa, en Teo co seu espectáculo "Autorretrato de un joven capitalista español".

A obra prográmase como parte do programa de residencia de Chévere en Teo, que inclúe unha mostra do traballo de compañías teatrais coas que se mantén relación de colaboración e intercambio. As entradas pódense mercar xa en redenasa.tv , no café SCQ (Santiago), Panificadora San José (Cacheiras), A Santa Sede (Ramallosa), A Senra (Pontevea) e A Capilla (Calo).

"Autorretrato de un joven capitalista español" é un monólogo no que Alberto San Juan fala do seu país desde o ano do seu nacemento en 1968 até hoxe. Aportando numerosos datos, nomes propios e datas, o actor dá un repaso á Transición, ás súas arraigadas raíces no franquismo, á monarquía juancarlista, ao ascenso do PSOE ao poder e á progresiva privatización dos servizos públicos para entender como chegamos á crise actual. O actor non fala desde a ira nin a carraxe, senón desde a ironía, ríndose publicamente de sí mesmo, do mundo privilexiado do famoseo que rodea ao cine e ao que el mesmo pertenceu ata que a crise o "espertou". Unha peza sincera e moi honesta dun actor que foi parte da compañía Animalario e máis coñecido pola súa participación en filmes como "Airbag", "El otro lado de la cama" e "Bajo las estrellas", filme co que gañou o Goya ao mellor actor.

Aquí podes ver un tráiler da obra:

#cultura