"Dezasete de maio", poema de Josefa Costa

"Dezasete de maio", poema de Josefa Costa

Hoxe día das letras galegas

eu quixera ser poeta,

poeta da rúa.

Sen verbas fermosas,

sen cantos de gloria.

Ser metro e medir quixera

as grandes fortunas.

Ser rima alegre quixera

dos nenos e nenas

que nacen na zona escura.

Cos versos que berren

palabras caladas

da xente que chora.

Que rompan murallas.

Que abran fronteiras.

Que a pluma escriba no aire

voces de empatía e tenrura

e que pingue a tinta

pintando de novo as rúas.

Hoxe día das letras galegas

eu quixera ser poeta,

poeta da rúa.

Que dela nacesen as verbas fermosas

Que nela cantases os nenos da terra

collidos da man baixo o mesmo ceo

cánticos de gloria.

#recunchodolector