ARCOSTILOS abre o prazo de inscrición para os Campamentos de verán 2015

O prazo de inscrición nos campamentos de verán en ARCOSTILOS remata o 18 de xuño

A Asociación Recreativa e Cultural Os Tilos vén de anunciar a súa oferta de Campamentos de verán 2015, que este ano veñen "cargados de novidades e novas propostas atendendo a unha maior conciliación familiar, laboral e persoal, así como reforzo educativo".

Dende ARCOSTILOS informan ademais de que ofrecerán unha horario continuado, de 7:30 a 20:30 horas, excepto o mes de agosto no que só haberá horario de mañá, de 7:30 a 15:30 horas.

As diferentes modalidades de campamentos son:

- X Campamento de Xuño: Comeza o verán nos Tilos. Nados a partir do 2012.

- XIII Campamento Infantil: Un verán distinto... un verán nos Tilos (de mañán). Nados entre o 2012 e 2006. - VIII Campamento Xuvenil: Pasiño a pasiño. Nados a partir do 2005. - III Campamento Expedición Tilos: Campamento de tarde. Nados entre 2012 a 2001.

- X Campamento de Setembro: Impúlsate nos Tilos. Nados a partir do 2012.

E estas son as quendas ofertadas dende ARCOSTILOS para os Campamentos de verán 2015: - Xuño: do 22 ó 30 de Xuño. - Xullo e Agosto: 1ª Quenda: 1 ao 15 de Xullo/ 2ª Quenda: 16 ao 31 de Xullo/ 3ª Quenda: 3 ao 14 de Agosto/ 4ª Quenda: 17 ao 31 de Agosto. - Setembro: 1 ata comezo do cole (*Pendente de publicación do calendario escolar). Dende ARCOSTILOS contan con un amplo abano de actividades deportivas, creativas, educativas, de ocio e tempo libre atendendo ao grupo de participantes.

#asociacións