O "Club Dos Piratas e o "Club Xuvenil” de ArcosTilos participan en xornadas de convivencia

Estas xornadas están destinadas ao fomento da autonomía e a independencia dos nenos e nenas

Co obxetivo de fomentar a autonomía e indepencia dos máis cativos, a asociación ArcosTilos leva a cabo o proxecto Club dos Piratas e Club Xuvenil, no que os rapaces poden acudir cada día, en horario de 16:00 a 20:30h, á asociación para facer as súas tarefas escolares.

Por outro lado, seguindo a liña principal do proxecto, durante a pasada fin de semana, trinta rapaces disfrutaron dunha xornada de convivencia, “chea de valores educativos” e onde foron protagonistas do desempeño de tarefas como facer a compra, a comida ou preparar a zona de descanso.

Ademais, levouse a cabo unha excursión até o “Tobogán de Pedra”, situado no alto de Montouto, onde os nenos puideron desfrutar dunha comida ao aire libre e de xogos cooperativos, ademais de deslizarse polo particular tobogán, que moitos non coñecían, aprendendo deste xeito “novas experiencias co que o noso entorno natural nos ofrece”.

#asociación