As compañías teatrais galegas inician un proceso de confluencia e unidade

Case unha quincena de compañías están mantendo xuntanzas para a procura de accións que contribúan a superar a crise que afecta ao sector escénico en Galicia

Para superar a profunda crise que sufre este sector en Galicia, a primeira acción conxunta por parte das distintas compañías será a de incorporarse “masivamente” á Asociación Profesional de Empresas de Artes Escénicas, Escena Galega. Con este paso, as compañías teatrais apostan “pola unidade de acción e pola confluencia de proxectos con sensibilidades e intereses diversos”.

Deste xeito pretenden dotarse “dunha ferramenta institucional que sexa realmente representativa do rico tecido empresarial das artes vivas galegas, unha ferramenta asociativa que abra novas dinámicas de traballo entre compañías, que traballe polo ben común e que tenda pontes de cooperación”.

As compañías de artes escénicas denuncian ademais o “obsoleto do modelo de subvencións” e a “desmantelación da Rede Galega de Teatros e Auditorios”.

As compañías asinantes son as seguintes:

CHÉVERE

VOADORA

PISANDO OVOS

IL MAQUINARIO

REDRUM

INVERSA TEATRO

A PANADARÍA

BORJA FERNÁNDEZ

ARTESACÍA.

APORÍA ESCÉNICA

FUNBOA ESCÉNICA

BOCABERTA

LAMACANA

TRASPEDIANTE

#cultura