A observación astronómica no mirador da Agrela terá lugar na noite do luns 20
- CIENCIA | MLC | Concello de Teo
- 18 jul 2015
- 1 Min. de lectura
A actividade, prevista para este sábado 18 de xullo, muda de data por mor da nubosidade
Segundo informa o Concello de Teo nunha nota de prensa, xunto ao observatorio astronómico da USC, acordouse cancelar a observación astronómica prevista para este sábado 18 de xullo en Lampai.
A nova data prevista para celebrar o evento será na noite do luns 20, se o ceo está despexado, "xa que foi a nubosidade precisamente a que obrigou a cambiar a data". No caso de que o luns tampouco se dean as condicións óptimas, o consistorio aclara que a nova data quedaría fixada para o vindeiro sábado 25 de xullo.
Esta actividade englóbase dentro do programa TodoCosmos, impulsada polo Observatorio Astronómico Ramón María Aller da USC que pretende mellorar a divulgación astronómica entre a sociedade. Dito programa conta co financiamento da Fundación Española para a Ciencia e a Tecnoloxía (FECYT) e a actividade é gratuíta.
A observación farase no mirador da Agrela, no monte de Lampai e para participar non hai que anotarse. Só achegarse á zona ao redor das 22:00 horas.
コメント