O mercado de alimento labrego volta á Carballeira de Francos este domingo

Este domingo 23, a partires das 10 horas da mañá, o mercado de alimento labrego estará á disposición dos cidadáns na Carballeira de Francos

O mercado de alimento labrego de Teo volta á Carballeira de Francos este domingo 23 de agosto, despois da andaina que realizou por diversos emprazamentos do municipio.

Coma decote o mercado de alimento labrego emprazará os seus habituais postos de venta na significativa Carballeira de Francos, onde todos os que queiran achegarse poderán aproveitar a visita deste mercado itinerante dende as 10:00 até as 14:00 horas da mañá, ademais de desfrutar da cantina na que se ofertarán diferentes petiscos e bebidas naturais.

O mercado de alimento labrego continúa deste xeito a achegarse a toda a cidadanía teense, visitando e "revisitando" as diferentes aldeas do municipio, para dar a coñecer a súa filosofía de mercados, os seus produtos e o seu xeito de entender a terra, ademais de presentarse así a quen non teña a oportunidade de achegarse cada sábado ao emprazamento habitual do mercado, na parroquia dos Tilos.

#CULTURA #OCIO