O Partido Popular esixe a mellora das condicións viarias para os peóns en Cacheiras

O PP teense lembra á corporación de Goberno a necesidade de correxir os problemas viais do núcleo urbano máis importante do Concello

O Partido Popular volve a recordar a “necesidade de mellorar as condicións viarias para os peóns en todo o termo municipal”, salientando a parroquia de Cacheiras, onde segundo sinalan dende o PP “as carencias son máis perentorias”.

José Manuel Guerra, portavoz do PP teense, denuncia “a evidencia das escasas actuacións de mellora e limpeza” producidas en Cacheiras, calificándoas de “insuficientes e sin unha clara aposta por mellorar a seguridade viaria dos peóns”.

Dende o PP recordan ademais, “as solicitudes para actuar negadas e que se levan facendo durante os últimos oito anos” e esixe que “se inicien os procedementos pertinentes para levar a cabo unha planificación ordenada, executando sendas peonís naquelas zonas onde a poboación máis o necesita en función do volume de tráfico rodado e a pé” ou “a colocación de pasos de peóns nas cercanías da rotonda de Cacheiras”.

#POLÍTICA