Rafael Sisto e Uxía Lemus reúnense co Presidente da Deputación para tratar a problemática da segurid

Estradas como a de Osebe – Ramallosa ou Galanas - Cacheiras contan con tramos que precisan obras de ampliación

A seguridade viaria nas estradas foi o tema principal da xuntanza mantida entre Rafael Sisto, Alcalde de Teo, Uxía Lemus, Concelleira de Urbanismo, e Valentín González, Presidente da Deputación da Coruña.

As vías que percorren os tramos entre Osebe e A Ramallosa (DP 0205) e as zonas de Galanas e Cacheiras (DP 8202) soportan altas densidades de tráfico, xa que ambas son vías que artellan interiormente o municipio. En ámbolas estradas existen tramos moi estreitos e perigosos, como nas curvas de Paraxó, Laxes, ou no entorno da igrexa de Cacheiras e Luou.

A Deputación da Coruña, responsable destas vías, ten proxectos de ampliación dende o ano 2007, que aínda non se levaron a cabo, polo que dende o Concello de Teo se demandou a “necesidade de establecer melloras de seguridade viaria”, así como que se asuma “por fin”, a execución dos proxectos.

#política