O BNG e o PP de Teo opóñense á suba do 25% do IBI que estuda o goberno local
- POLÍTICA | MLC | Partido Popular de Teo
- 21 sept 2015
- 1 Min. de lectura
O Partido Popular súmase así á oposición que xa mostrara o BNG de que se amplíe o gravame de bens e inmobles en Teo
O líder dos populares, José Manuel Guerra, considera "inaceptable e inxustificada a suba do IBI" do 0,44% actual até o 0,55% que propón o executivo de Rafael Sisto.
Con esta medida, Guerra denuncia que "o bipartito lle fai pagar agora aos veciños a errática xestión económica mantida nestes 8 anos" polos gobernos de Noriega e agora de Sisto. "A unión de Anova e Socialistas", continúa o líder popular, "está a dar como resultado a xestión máis antisocial posible: logo de custarnos 196.000€ máis en dedicacións exclusivas, agora fannos pagar aos veciños un 25% máis de IBI".
Por tal motivo, o grupo municipal popular anuncia que levará a cabo "todas aquelas accións que estean na súa man para impedir que o goberno municipal eleve o IBI".
Comments