O mercado de alimento labrego celebra o comezo da nova tempada coa festa do outono

A festa terá lugar este sábado 3 de outubro na praza circular dos Tilos

A asociación do mercado labrego de Teo continúa coa súa xeira de celebracións cunha nova festa para conmemorar a chegada do outono.

A festa terá lugar o vindeiro sábado e nela haberá diferentes actividades, dende música ao vivo até actividades para os máis cativos da casa, ademais dos tradicionais postos de artesanía e os habituais postos de venda de produtos da tempada das hortas do municipio e da contorna.

Nesta festa do outono tamén estará dispoñíbel a cantina, coma todos os primeiros sábados de mes, onde se poderán degustar petiscos feitos polos propios vendedores.

Como novidade, os máis cativos poderán gozar dunha sesión de títeres e monicreques que terá lugar ás 12:30 horas.

Nos postos do mercado poderanse atopar produtos como froitas, legumes, ovos, queixo, rosquillas e mesmo leite fresco.

#celebracións